ХI Халкъара on-line ильмий конференциясы «Къырымтатарларнынъ филологиясы, тарихи ве медениети: аньане ве земаневийлик».

2017 сенеси майыс 31-де Къырым мухендислик-педагогика университетининъ Ильмий-тедкъикъат институтында «Къырымтатарларнынъ филологиясы, тарихи ве медениети: аньане ве земаневийлик» деген мевзуда ХI Халкъара on-line ильмий конференциясы отькерильди.

Гъает нуфузлы бу тедбирде Русиеден, Алманиядан, Азербайджандан, Къазахстандан, Къырым федераль университетинден ве табиий ки, университетимизнинъ тек филология дегиль  де дигер факультетлеринден де алимлер, аспирантлар, студентлер иштирак эттилер ве марузаларнен чыкъышта булундылар.

Конференцияны селямлав сёзлеринен университетнинъ ильмий ве инновацион фаалиетлер боюнджа проректоры Т.П. Гордиенко ачты. Сонъра марузалар башланды.

Пленар меджлис Ильмий-тедкъикъат институтынынъ директоры, филология илимлери докторы, профессор И.А. Керимов, алманиялы (Магдебург ш.) алим Мисте Хоттоп Рикке, профессорлар: Г.Н. Кондратюк, В.Е.Поляков, филология илимлери намзети Н.Р. Абдульвапов чыкъышта булундылар.

Конференциянынъ секциларында чешит саалар боюнджа илим намзетлери: В.А. Миреев, Д.И. Абибуллаева, Е.В. Чернышева, А.М. Кангиева ве дигерлери чыкъышта булунып, тиль, эдебият, медениет, тарих, этнография, фольклор, журналистика, этнопедагогика саасында меракълы бильдирювлеринен пайлаштылар.

Конференция гъает меракълы ве семерели кечти.

А.Велиев,

Ильмий-тедкъикъат институтынынъ Лаборатория мудири

XI Международная on-line конференция «Филология, история и культура крымских татар: традиции и современность».

31 мая 2017 года в Научно-исследовательском институте при Крымском инженерно-педагогическом университете состоялась XI Международная on-lineконференция «Филология, история и культура крымских татар: традиции и современность».

Участниками научных дискуссий были ученые Азербайджана, Германии, Казахстана, России, Крымского Федерального университета, филологического, а так же других факультетов университета и, конечно же, аспиранты,студенты.

Работу конференции с приветственным словом открыла проректор по научной и инновационной деятельности Т.П. Гордиенко. Затем были заслушаны доклады.

На пленарном заседании выступили директор Научно-исследовательского института профессор И. А. Керимов, ученый из Германии (г. Магдебург) Мисте Хоттоп-Рикке, профессоры Г. Н. Кондратюк, В. Е. Поляков, кандидат филологических наук Н.Р. Абдульвапов.

На секционных заседаниях были заслушаны доклады кандидатов наук  В. А. Миреева, Д.И. Абибуллаевой, Е.В. Чернышевой, А.М. Кангиевой и других ученых, затронувших актуальные проблемы языка, литературы, культуры, истории, этнографии, фольклора, журналистики и этнопедагогики.

Конференция прошла очень интересно и плодотворно.

А. Велиев,

Директор лаборатории Научно-исследовательского института